قالت الإعلامية أميرة عبيد، إن المدمن لا يقل خطورة وإجراما عن الديلر أو تاجر المخدرات، مضيفة: كلهم أبالسة وشياطيين، وخطر علي المجتمع والناس.. بدليل مفيش بيت فيه مدمن إلا والخوف والقلق مسيطر على أهله”.
وأضافت أميرة عبيد خلال تقديمها برنامج “هي وهما” على قناة الحدث اليوم، معظم قضايا السرقة والقتل اللي بتحصل في المجتمع وراها مدمنين !!.. محدش يقولي الإدمان مرض لا.. مريض الحقد والأنانية والسادية هو اللي يقدر يتعاطي المخدرات ويتحول لمدمن، مفيش انسان بيحب ربنا ونضيف من جواه هيسمم نفسة ويضر اللي حواليه مفيش إنسان مسؤول بيحب أبوه وأمه ومراته وعياله ممكن في يوم يبقي مدمن، ميعملش كده غير المستهتر اللي عمره ما عرف الحب ولا الدين ميعملش كده غير الإنسان السادي اللي بيتلذذ بعذاب أهله عليه ومنه في نفس الوقت “.
تابعت، لكل أم حزينة ومقهورة علي ابنها المدمن بعيد عن الأمومة وإحساسك اللي فوق رأسي .. افتكري حاجة واحدة بس و هي إنه خذلك وعذبك وكسرك بدون رحمة ومفكرش فيكي ولا في أهلة اللي بيحبوه ، وأعرفي حاجة واحدة بس ميكسرش الأم والأب غير فقدان ابنهم الناجح البار بيهم أو الشهيد مش المدمن، بصراحة وبكل أمانة أنا مبكرهش في حياتي قد سماع كلمة مخدرات أو عيني تشوف مدمن.. عمري ما اتعاطفت معاهم ولا هتعاطف الله يحرق كل مدمن مجرم دمر نفسة وأهلة وأذي الناس بدون رحمة”.
